Князья и княгини Русского Средневековья. Исторические последствия малоизвестных событий - Антон Анатольевич Горский
Аньдрѣи же то слышавъ от Михна, и бысть образъ лица его попуснѣлъ, и вьзострися на рать, и бысть готовъ, и пославъ, собравъ воѣ своѣ: ростовцѣ, суждальци, володимерци, переяславьци, бѣлозѣрцѣ, муромцѣ и новгородцѣ и рязаньцѣ, и сочтавъ ѣ, и обрѣте в нихъ 50 тысячъ. И посла с ними сына своего Юрья и Бориса Жидиславича воеводою, казавъ имъ, Рюрика и Давыда веля имъ изьгнати изъ отчины своей, а Мьстислава «емъше, не створите ему ничто же, приведете и ко мнѣ». И тако ему казавшю Борисови Жидиславичю, и вѣлѣвъшю ему ити кь Святославу Всеволодичю, како ся бяшь с нимь свѣщали и со всею его братью, от сѣти многолукаваго дьявола, иже воюеть на крестьаны. Андрѣи же князь толикъ оумникъ сы во всихъ дѣлѣхъ, добль сы, и погуби смыслъ свои и невоздержаниемь, располѣвься гнѣвомъ, такова слова похвална испусти, яже Богови студна и мерьска хвала и гордость. Си бо вся быша от дьявола на ны, иже вьсѣваеть вь сердце наше хвалу и гордость, якоже Павелъ глаголетъ: «Гордым Богъ противиться, а смиренымъ даеть благодать». Еже и збысться слово апостола Павла глаголавша, еже и послѣди скажемь. Мы же на прежнее вьзвратимся.
Идущимъ же имъ мимо Смолнескъ, казалъ бо бяшеть Романови пустити сынъ свои смолняны; тако Романъ нужею пусти сынъ свои сьмолняны на братью, хотя ся объявити, бяше бо тогда в рукахъ его, и полотьскымъ княземь поити повелѣ всимь, и Туровьскымь, и Пиньскимъ, и Городеньскымь. И пришедшимъ имъ ко Олговичемь, и совокупившимся имъ обоимъ противу Кыеву. Ту же придоша к нимь Дюрдевича Михалко и Всеволодъ, и Ростиславича Мьстиславъ, Ярополкъ Глѣбовича и переславьци вси. И перешедше Днѣпръ, и въѣхавше въ Киевъ. Ростиславичи же не затворилися бяхуть вь Кыевѣ, но шлы бяхуть во своѣ городы: Рюрикъ в Бѣлѣгородѣ затворися, а Мьстислава затвориша Вышегородѣ и с Давыдовымъ полкомъ, а Давыдъ ѣха вь Галичь кь Ярославу, помочи дѣля. Святослав же сь братьею и Михалко сь братомъ съ Всеволодомъ и со сыновци, и Кыяны совокупивше и берендѣиче, и Поросье, и вьсю Рускую землю полкы, поидоша от Кыева к Вышегороду на рожьство святыя владычица нашея Богородица приснодевица Марья, и бѣ всихъ князей боле 20, а всихъ бяше старѣй Святославъ Всеволодичь. И отряди Всеволоддада Юрьевича, Игоря сь моложыпими князьми кь Вышегороду, и приѣхавшимъ имъ подъ Вышегородъ.
Видивъ же Мьстиславъ Ростиславичь пришедшюю рать, изрядивъ полъкы своѣ и выеха на болоньи противу имъ. Обои бо еще жадахуть боя, и свадишася стрѣлци ихъ, и почаша ся стрѣляти межи собою, гонячеся. Видивъ же Мьстиславъ стрѣльци своѣ смятыпеся с ратными, и абье оустрѣмися на нѣ, и рече дружинѣ своей: «Братье, оузрѣвше на Божию милость и на святую мученику Бориса и Глѣба помочь», и абье поѣха кь нимь; бяхуть бо ратьнии на 3 полкы стояще: новгородци, ростовци, посредѣ же ихъ Всеволодъ Дюрдевичь своим полкомъ стоя. И абье Мьстиславъ сшибеся с полкы ихъ, и потопташа середнии полкъ, и инии ратнии видѣвше обьяша ѣ. Бѣ бо Мьстиславъ в малѣ вьѣхалъ в нѣ, и тако смятошася обои, и бысть мятежь великъ и стонава, и клич рамня, и гласѣ незнаемии, и ту бѣ видити ломъ копииныи, и звукъ оружьиныи, от множьства праха не знати ни конника, ни пѣшьць. И тако бишася крѣпко и разидоша, много же бѣ раненых[575], мертвых же бѣ не много. И се бысть одинь бои первого дни на болоньи Мьстиславу со Всеволодомъ, со Игоремъ и со инѣмим моложыпими людми. И по сѣмь придоша всѣ силы, и тако оступиша всь градъ, и приступаху по вся дни, и вырищюще изъ града, да бьяхуться крѣпко, и много бысть Мьстиславлѣ дружинѣ раненыхъ и смертьныхъ добрыхъ. И остояша около города 9 недѣль.
По сем же приде Ярославъ Лучьскыи на Ростиславичѣ же со всею Велыньско землею, ища собѣ старѣшиньства въ Олговичѣхъ, и не ступишася ему Кыева; он же сослався с Ростиславичи, и оурядився с ними о Кыевъ, и отступи от Олговичь, и вьставъ, поиде от нихъ, изьрядивъ полкы к Рюрикови Бѣлугороду. И то видивше, и оубояшеся, рече: «Оуже ся имъ всяко совокупити на ны с галичаны и с Черными клобукы»; и возмятошася полци ихъ, и не дожьдавъше свѣта и вь смятеньи велици не могуще ся оудержати, побѣгоша чересъ Днѣпрь, и много от во ихъ потопе. И то видивъ Мьстиславъ, и похвали всемилостиваго Бога и святою Бориса и Глѣба помочь невидимо гонящеѣ, и выѣде изь города с дружиною своею, и гнавьше дружина его и оударишася на товарѣ ихъ, и много колодникъ изьимаша. Мьстиславъ же много пота оутеръ с дружиною своею, и не мало мужьства показа с мужьми своими, се же оуже сбысться слово апостола Павла, рекша, еже передѣ написахомъ: «Возносяися смириться, а смиряйся вьзнесеться». И тако вьзвратишася вся сила Андрѣя, князя Суждальского, совокупилъ бо бяшеть всѣ землѣ, и множеству вой не бяше числа; пришли бо бяху высокомысляще, а смирении отидоша в домы своя. Ростиславичи же положиша на Ярославѣ старѣишиньство и даша ему Кыевъ.
В том же году начал Андрей возлагать вину на Ростиславичей, и прислал к ним Михна, говоря так: «Выдайте мне Григория Хотовича, и Степанца, и Олексу Святословца, так как они уморили брата моего Глеба, и это враги всем нам». Ростиславичи этого не послушали. И сказал Андрей Роману: «Не подчиняешься моей воле с братьями своими, так уходи из Киева, а Давыд из Вышгорода, а Мстислав из Белгорода, вот вам Смоленск, поделите там владения[576]». И расстроились сильно Ростиславичи, что он лишает их Русской земли[577], а брату своему Михалке дает Киев. Роман пошел в Смоленск, а Михалко сам из Торческа не пошел в Киев, а послал туда своего брата Всеволода и племянника Ярополка Ростиславича. И сидел Всеволод 5 недель в Киеве. Ростиславичи же, Рюрик, Давыд и Мстислав, послали к Андрею, говоря так: «Брат, мы действительно назвали тебя отцом себе, и крест к тебе целовали, и стоим на крестном целовании, желая тебе добра, а ты ныне брата нашего Романа вывел из Киева, а нам указываешь путь из Русской земли без нашей вины, да будет со всеми Бог и сила крестная». Андрей же ответа
