Кассия Константинопольская - Творения
{H} Простерл еси длани и соединил еси древле разстоящаяся. Одеянием же, Спасе, еже в плащанице и во гробе, окованныя разрешил еси: несть свят, разве Тебе, Господи, взывающия.
{М} Гробом и печатьми, Невместиме, содержимь был еси хотением: ибо силу Твою действы показал еси, богодейственно поющим: несть свят, разве Тебе, Господи. Человеколюбче.
Седален, глас 1:
Гроб Твой, Спасе, воини стрегущии мертви от облистания явльшагося Ангела быша, проповедающа женам Воскресение. Тебе славим, тли потребителя! Тебе припадаем, Воскресшему из гроба и Единому Богу нашему!
Слава, И ныне, тойже.
Песнь 4
Ирмос: На кресте Твое Божественное истощание провидя, Аввакум, ужасся, вопияше: Ты сильных пресекл еси державу, Блаже, приобщаяся сущим во аде, яко Всесилен.
{Е} Седмый день днесь освятил еси, егоже древле благословил еси упокоением дел: преводиши бо всяческая и обновляеши, субботствуя, Спасе мой, и назидая.
{Р} Силою лучшаго, победившаго Тебе, от плоти душа Твоя разделися, растерзающи бо обоя узы — смерти и ада, Слове, державою Твоею.
{О} Ад, Слове, срет Тя, огорчися, человека зря обожена, уязвлена ранами и Всесильнодетеля, страшным же зраком погибе.
Песнь 5
Ирмос: Богоявления Твоего, Христе, к нам милостивно бывшаго, Исаиа, Свет видев Невечерний, из нощи утреневав, взываше: воскреснут мертвии и востанут сущии во гробех, и вси земнороднии возрадуются.
{N} Новотвориши земныя, Создателю, перстен быв, и плащаница и гроб являют еже в Тебе, Слове, таинство. Благообразный бо советник Тебе Рождшаго совет образует, в Тебе велелепно новотворящаго мя.
{D} Смертию — смертное, погребением — тленное прелагаеши: нетленно твориши бо, боголепно безсмертно творя приятие, плоть бо Твоя истления не виде, Владыко, ниже душа Твоя во аде страннолепно оставлена бысть.
{Е} Из Небрачныя прошед и прободен в ребра, Содетелю мой, из Нея соделал еси обновление Евино, Адам быв, уснув паче естества сном естественным и жизнь воздвигнув от сна и тления, яко Всесилен.
Стихиры
(рус. пер. — о. Амвросий (Тимрот). Источник: Православная энциклопедия «Азбука веры»)
Стихира на утреню Великой Среды
Господи, во многие грехи впавшая жена, / Твое ощутившая Божество, / мироносицы служение взяв на себя, / с рыданием мvро Тебе прежде погребения приносит, — / «Увы мне», возглашая, — / «ибо ночью для меня является страсть невоздержания, / мрачной и безлунной — любовь к греху! / Прими мои источники слез, / из облаков изводящий воду моря. / Приклонись к моим стенаниям сердечным, / приклонивший небеса неизреченным Твоим самоумалением. / Буду лобызать пречистые Твои ноги, / и еще отру их головы моей кудрями, / — те, шум от которых Ева в раю после полудня, / услышав ушами своими, в страхе скрылась. / Грехов моих множество и судов Твоих бездну кто исследует? / Спасающий души, Спаситель мой, / меня, рабу Твою, не презри, / имеющий безмерную милость!»
Стихира на Рождество
Августу единоначальствующу на земли, многоначалие человеков преста. И Тебе, вочеловечшуся от Чистыя, многобожие идолов упразднися, под единем царством мирским гради быша и во едино владычество Божества языцы вероваша. Написашася людие повелением кесаревым, написахомся вернии именем Божества Тебе вочеловечшагося Бога нашего. Велия Твоя милость, Господи, слава Тебе
(рус. пер. — Когда Август стал единовластным на земле, / прекратилось многовластие среди людей; / и с Твоим вочеловечением от Девы чистой / идольское многобожие упразднилось. / Одному мирскому царству подчинились страны, / и в единое владычество Божества племена уверовали. / Переписаны были народы по указу Кесаря, / записались и мы, верные, во имя Божества / — Тебя, вочеловечившегося Бога нашего. / Велика Твоя милость, Господи, слава Тебе!)
Стихира на Рождество Иоанна Предтечи
Исаии ныне пророка глас / днесь в большаго от пророк рождении Иоанна исполнися: / се бо, — рече, — послю Ангела Моего пред лицем Твоим, / иже уготовит путь Твой пред Тобою. / Сей убо, Небеснаго Царя воин, предтек, / яко воистинну правы творяше стези Богу нашему, / человек убо естеством, Ангел же житием сый, / чистоту бо конечно и целомудрие целовав, / имяше убо по естеству, / бежа же яже чрез естество, / паче естества подвизався. / Тому, вси вернии, добродетельми подобящеся, / молити о нас молимся, / во еже спасти души наша.
(рус. пер. Ныне Исаии пророка глас исполнился / в сей день, при рождении величайшего из пророков Иоанна: /«Ибо вот», — сказано, — «пошлю Я Ангела Моего пред лицом Твоим, / который приготовит путь Твой пред Тобою». / И этот, словно воин, впереди Небесного Царя поспешив, / воистину правые пути устраивал Богу нашему; / человек был он естеством, Ангел же житием, / ибо совершенную чистоту и целомудрие возлюбив, / имел то, что согласно с естеством, / избежал же того, что против естества, / выше естества подвизавшись. / Ему, все верные, в добродетелях подражая, / молим его ходатайствовать о нас / во спасение душ наших.)
Виждь Елисаветь к Деве Марии глаголющу: / что пришла еси ко мне, Мати Господа моего? / Ты Царя носиши, и аз воина. / Ты Законодавца, и аз законоположителя. / Ты Слова, и аз глас, / проповедающ Царство Небесное.
(рус. пер. Взирай на Елисавету, с Девой Марией беседующую: /«Что пришла Ты ко мне, Матерь Господа моего? / Ты Царя носишь, а я — воина. / Ты — Законодателя, а я — вводящего закон. / Ты — Слово, а я — глас, / возвещающий Царство Небесное!»)
Стихира на память мучеников Евстратия и иже с ним
Пaче Эллинских наказaний, апоcтольскую мyдрость предпочтоша святыи мyченицы, книги витийская остaвльше, и рыбарскую навыкше. Тaко бо убо благоязычие глаголам, в некнижных же боголaсиих тройческому научaхуся богоразyмию. В нeмже молитеся, в мире сохранится душaм нaшым.
Пятострунную цевницу, и пятосветлый свешник Божия церкви, богоносныя мученики тезоименне воспоим, и благочестне похвалим: радуйся, иже добре Богом ввоинствованный в небесном воинстве, и ввоинившему тя угодив, иже в витиях витий, Евстратие богомудре: радуйся иже талант от Бога, тебе вверенный, возрастив во множество, Авксентие блаженне: радуйся, краснейшая ветвь Божественнаго благородия, Евгение богомудре: радуйся красный образом, нравом же предобрый, и обоюдоизрядный, иже в божественных горах пребывая весь, всеблаженне Оресте: радуйся, сиаай прозрачный бисере, иже муки горькия радостнее претерпевый, Мардарие непобедимее: радуйся равночисленный личе мудрых дев: яже молим всякого гнева и скорби избавити, и неизреченныя вашея славы сопричастники сотворити, летнюю вашу память чтяшия.
Стихира на память мучеников Гурия, Самона и Авива
Эдес веселится, яко ракою святых обогатися. Гурия, Самсона и Авива, и христолюбивую паству созывая, вопиет: придите, мучениколюбцы, просветитеся в памяти светлей: придите убо, празднолюбцы, возвеселитеся. Приидите и видите светила небесная, на земли жительствовавшыя. Приидите, и услышите, какову смерть горькую доблии адаманти подяша, безконеныя ради жизни. Темже поручницы сущее истины, девицу спасоша, живу. Во гроб ввержену, и тех небрегшаго всесквернаго пагубе предаша, яко убийцу и немилостива. И прилежно молят Святую Троицу избавитися от тли и искушений, и всяческих бед, верою творящым память их.
Стихира на память свв. Апостолов Петра и Павла
Светильники великия Церкве, Петра и Павла восхвалим: паче бо солнца возсияша на тверди веры, и языки зарями проповедания от неведения возведоша. Ов убо на крест пригвбеси шествие творя, идеже Царствия ключи от Христа прият: ов же мечем усечен быв, ко Спасу отшед, по достоянию ублажаются, и оба Израилю возвыщают яко на Самого Господа неправедно руце простерша. Темже молитвами их, Христе Боже Наш, на ны шатающыяся низложи, и православных веру утверди, яко Человеколюбец.
Стихиры в Неделю мытаря и фарисея.
На вечери
Вседержителю Господи, / вем, колико могут слезы: / Езекию бо от врат смертных возведоша, / грешную от многолетных согрешений избавиша, / мытаря же паче фарисея оправдаша: / и молюся, с ними причтав, помилуй мя.
(рус. пер. Вседержитель, Господи, / знаю, сколько могут слезы: / ибо Езекию они от врат смерти возвели, / грешницу от согрешений долговременных избавили, / мытаря же более фарисея оправдали; / и прошу: /«К ним причислив, помилуй меня!»)
На утрени
От дел похваленьми, фарисеа оправдающа себе осудил еси Господи, и мытаря смирившася, и воздыханьми очищения просяща оправдал еси: не внимаеши бо велемудренным помыслом, и сокрушенная сердца не уничижаеши. Темже и мы Тебе припадаем во смирении, пострадавшему нас ради: подаждь оставление и велию милость.
