Андрей Критский - Творения
Велик по истине Крест, повсюду в Писании свидетельствуемый и предзнаменуемый, предъявляющий образы всех тех чудес, кои ежедневно силою Его совершаются. Покланяйтесь Кресту; ибо чрез него мы познали Господа. Крест достопокланяем, ибо благословен Распявшийся на нем. Крест достопоклоняем, ибо чрез него мы прияли благословение и свободились от клятвы. Крест достопокланяем, ибо чрез него мы изрыгли горький плод древа преслушания, и вкусили сладость спасения. Благословенно древо: чрез него прияли благословение языки. Благословенно древо: на нем Бог распростерся плотию. Зреть Бога, — распятаго, и притом среди разбойников, какое зрелище может быть изумительнее? Благословенно древо: чрез него разбойник вошел в рай, и вкушение от сего древа истребило древле вкушенную горечь. Может ли что быть досточуднее? — Жилище, которое заключил прельщенный Адам, отверз благоразумный разбойник, и откуда Адам был изгнан, туда разбойник призван, и там украшен титлом гражданства. Какая согласная разность! Вышел грабитель, и грабитель вшел: первый чрез послушание, последний чрез исповедание; один обвинен вместе с обольстителем, другой распят вкупе с Творцем своим.
Благословенно древо, из котораго устроен ковчег, таинственно спасший мир от потопления. Благословенно древо, от котораго разбойник вкусил, и удостоился райскаго наслаждения. Благословенно древо, от коего прародитель Адам не вкусил прежде, поспешив вкусить от древа познания, почему и пременил жизнь на смерть, — и котораго качество познал уже после, когда пришел в раскаяние, за что и воззван в прежнее состояние. Благословенно древо, могуществом котораго мышцы гордых ослабляются, выи врагов преклоняются, варвар отступает, и скиф бежит, тогда как никто не гонит его. И так в настоящий день вместе со мною возвысьте гласы свои, и сокровищу Креста принесите с поклонением изречение Писания. Сокровищем же Креста я называю Христа Сына Божия. К сему–то сокровищу и должно наипаче обратиться нам с словами Писания: — Вси языцы, елики сотворил еси, приидут и поклонятся пред Тобою, Господи, и прославят имя Твое: яко велий еси Ты, и творяй чудеса, Ты еси Бог един (Пс.85:9).
ВЕЛИКИЙ КАНОН
ТВОРЕНИЕ
СВЯТОГО АНДРЕЯ КРИТСКОГО
читаемый в понедельник, вторник, среду и четверг первой седмицы
и в четверг пятой седмицы
ВЕЛИКОГО ПОСТА
Песнь 1
Ирмос: Помощник и Покровитель бысть мне во спасение, Сей мой Бог, и прославлю Его, Бог Отца моего, и вознесу Его: славно бо прославися.
Откуду начну плакати окаяннаго моего жития деяний? кое ли положу начало, Христе, нынешнему рыданию? но яко благоутробен, даждь ми прегрешений оставление.
Гряди, окаянная душе, с плотию твоею, Зиждителю всех исповеждься, и останися прочее преждняго безсловесия, и принеси Богу в покаянии слезы.
Первозданнаго Адама преступлению поревновав, познах себе обнажена от Бога и присносущнаго Царствия и сладости, грех ради моих.
Увы мне, окаянная душе, что уподобилася еси первей Еве? видела бо еси зле, и уязвилася еси горце, и коснулася еси древа, и вкусила еси дерзостно безсловесныя снеди.
Вместо Евы чувственныя мысленная ми бысть Ева, во плоти страстный помысл, показуяй сладкая и вкушаяй присно горькаго напоения.
Достойно из Едема изгнан бысть, яко не сохранив едину Твою, Спасе, заповедь Адам: аз же что постражду, отметая всегда животная Твоя словеса?
Каиново прешед убийство, произволением бых убийца совести душевней, оживив плоть и воевав на ню лукавыми моими деяньми.
Авелеве, Иисусе, не уподобихся правде, дара Тебе приятна не принесох когда, ни деяния божественна, ни жертвы чистыя, ни жития непорочнаго.
Яко Каин и мы, душе окаянная, всех Содетелю деяния скверная, и жертву порочную, и непотребное житие принесохом вкупе: темже и осудихомся.
Брение Здатель живосоздав, вложил еси мне плоть, и кости, и дыхание, и жизнь; но, о Творче мой, Избавителю мой и Судие, кающася приими мя.
Извещаю Ти, Спасе, грехи, яже содеях, и души и тела моего язвы, яже внутрь убийственнии помыслы разбойнически на мя возложиша.
Аще и согреших, Спасе, но вем, яко Человеколюбец еси, наказуеши милостивно и милосердствуеши тепле: слезяща зриши и притекаеши, яко отец, призывая блуднаго.
Повержена мя, Спасе, пред враты Твоими, поне на старость не отрини мене во ад тща, но прежде конца, яко Человеколюбец, даждь ми прегрешений оставление.
В разбойники впадый аз есмь помышленьми моими, весь от них уязвихся ныне и исполнихся ран, но, Сам ми представ, Христе Спасе, исцели.
Священник, мя предвидев, мимо иде, и левит, видя в лютых нага, презре, но, из Марии возсиявый, Иисусе, Ты, представ, ущедри мя.
Агнче Божий, вземляй грехи всех, возьми бремя от мене тяжкое греховное и, яко благоутробен, даждь ми слезы умиления.
Покаяния время, прихожду Ти, Создателю моему: возьми бремя от мене тяжкое греховное и, яко благоутробен, даждь ми слезы умиления.
Не возгнушайся мене, Спасе, не отрини от Твоего лица, возьми бремя от мене тяжкое греховное и, яко благоутробен, даждь мне грехопадений оставление.
Вольная, Спасе, и невольная прегрешения моя, явленная и сокровенная и ведомая и неведомая, вся простив, яко Бог, очисти и спаси мя.
От юности, Христе, заповеди Твоя преступих, всестрастно небрегий, унынием преидох житие. Темже зову Ти, Спасе: поне на конец спаси мя.
Богатство мое, Спасе, изнурив в блуде, пуст есмь плодов благочестивых, алчен же зову: Отче щедрот, предварив, Ты мя ущедри.
Тебе припадаю, Иисусе, согреших Ти, очисти мя, возьми бремя от мене тяжкое греховное и, яко благоутробен, даждь ми слезы умиления.
Не вниди со мною в суд, нося моя деяния, словеса изыскуя и исправляя стремления. Но в щедротах Твоих презирая моя лютая, спаси мя, Всесильне.
Иный канон
преподобныя матере нашея
Марии Египетския, глас 6:
Припев: Преподобная мати Марие, моли Бога о нас.
Ты ми даждь светозарную благодать от Божественнаго свыше промышления избежати страстей омрачения и пети усердно твоего, Марие, жития красная исправления.
Припев: Преподобная мати Марие, моли Бога о нас.
Приклоньшися Христовым Божественным законом, к сему приступила еси, сладостей неудержимая стремления оставивши, и всякую добродетель всеблагоговейно, яко едину, исправила еси.
Припев: Преподобне отче Андрее, моли Бога о нас.
Молитвами твоими нас, Андрее, избави страстей безчестных и Царствия ныне Христова общники верою и любовию воспевающия тя, славне, покажи, молимся.
Слава: Пресущественная Троице, во Единице покланяемая, возьми бремя от мене тяжкое греховное и, яко благоутробна, даждь ми слезы умиления.
И ныне: Богородице, Надежде и Предстательство Тебе поющих, возьми бремя от мене тяжкое греховное и, яко Владычица Чистая, кающася приими мя.
Песнь 2
Ирмос: Вонми, Небо, и возглаголю, и воспою Христа, от Девы плотию пришедшаго.
Вонми, Небо, и возглаголю, земле, внушай глас, кающийся к Богу и воспевающий Его.
Вонми ми, Боже, Спасе мой, милостивным Твоим оком и приими мое теплое исповедание.
Согреших паче всех человек, един согреших Тебе; но ущедри, яко Бог, Спасе, творение Твое.
Буря мя злых обдержит, благоутробне Господи; но яко Петру и мне руку простри.
Слезы блудницы, Щедре, и аз предлагаю, очисти мя, Спасе, благоутробием Твоим.
Омрачих душевную красоту страстей сластьми и всячески весь ум персть сотворих.
Раздрах ныне одежду мою первую, юже ми изтка Зиждитель из начала, и оттуду лежу наг.
Облекохся в раздранную ризу, юже изтка ми змий советом, и стыждуся.
Воззрех на садовную красоту и прельстихся умом: и оттуду лежу наг и срамляюся.
Делаша на хребте моем вси начальницы страстей, продолжающе на мя беззаконие их.
Погубих первозданную доброту и благолепие мое и ныне лежу наг и стыждуся.
Сшиваше кожныя ризы грех мне, обнаживый мя первыя боготканныя одежды.
Обложен есмь одеянием студа, якоже листвием смоковным, во обличение моих самовластных страстей.
Одеяхся в срамную ризу и окровавленную студно течением страстнаго и любосластнаго живота.
Оскверних плоти моея ризу и окалях еже по образу, Спасе, и по подобию.
Впадох в страстную пагубу и в вещественную тлю, и оттоле до ныне враг мне досаждает.
Любовещное и любоименное житие, невоздержанием, Спасе, предпочет ныне, тяжким бременем обложен есмь.
Украсих плотский образ скверных помышлений различным обложением и осуждаюся.
Внешним прилежно благоукрашением единем попекохся, внутреннюю презрев Богообразную скинию.
