Анна Чуднова - Вам поможет Владимирская икона Божией Матери

Кондак 7

Хотя великий князь Василий защищение стяжати стольному граду своему, повеле Владимирскую икону Твою в Москву пренести. И во сретение ея усердно исшедше князь и святитель Московский Киприан со освященным Собором и всем множеством людей, до земли пред нею поклонишася, якоже бо Самую Тя, Пречистая, к ним приходящую сретаху, зовуще Тебе: «О Мати Божия, спаси землю Русскую», вкупе же и поюще Богу: Аллилуиа.

Икос 7

Новое знамение сотворила еси, Пренепорочная, в день празднования сретения иконы Твоея Владимирския в Москве: в грозном бо видении, яко всемогущая Царица, множеством воинств Небесных обстоима, со святители Московскими явилася еси нечестивому агарянскому хану и от предел земли Русския отъити повелела еси. Тогда вернии людие Твои, врага видевше посрамлена и бежаща, с веселием пояху Тебе: Радуйся, победо непобедимая; Радуйся, Царице Небесных Сил. Радуйся, врага грозное посрамление; Радуйся, рабов Твоих Радосте нечаянная. Радуйся, Надеждо всех лишенных надежды; Радуйся, спасение во дно адово нисшедших. Радуйся, пришествием иконы Твоея Москву возвеселившая; Радуйся, заступленном Твоим и град Владимир не оставившая. Радуйся, Пречистая, от иконы Твоея милости нам источающая.

Кондак 8

Странную победу всесильною помощию Твоею, Владычице, без брани совершившуюся, и до ныне Церковь Православная светло прославляет. Сретение иконы Твоея Владимирския празднующи и вся верная чада Своя созывающи милости Твоя благодарне исповедати, Сыну же Твоему и Богу пети: Аллилуиа.

Икос 8

Всю Тя Бог освяти, Пренепорочная, и яко Матерь Свою в готовое прибежище и теплый покров всем нам дарова. Темже от меньших земли и незнаемых возвеличися благословенный Тобою град Москва, благочестно икону Твою почитаяй; вся бо племена русская воедино собра и область свою над окрестными языки от моря и до моря и даже до конец земли распростре, всем веру Христову возвещаяй, Тебе же вопия: Радуйся, земли нашея забрало; Радуйся, Церкве утверждение. Радуйся, молитвенников наших похвало. Радуйся, людей Твоих спасение; Радуйся, враги наша устрашающая. Радуйся, полки чуждих далече отгоняющая. Радуйся, яко Тобою Русь Православная содержится; Радуйся, яко Тобою род христианский хвалится. Радуйся, Пречистая, от иконы Твоея милости нам источающая.

Кондак 9

Всякое естество ангельское восхваляет Тя, Богородительнице, у престола Сына Твоего предстоящую и за страну нашу и вся христианы молящуюся. Мы же, людие Твои, молитв Твоих действо разумевающе, к чудотворней иконе Твоей с любовию притекаем и Богу прилежно вопием: Аллилуиа.

Икос 9

Витий земных художество не довлеет по достоянию благохвалити Тя, Пресвятая Всенепорочная, и иконы Твоея чудеса исчислити, имиже Церковь Православная величается, грады наша утверждаются и вси христиане Божественне веселятся. Темже за премногую любовь Твою к нам и вся милости Твоя приими от нас сие хвалебное пение: Радуйся, Собором святых, в стране нашей просиявших, окружаемая и славимая; Радуйся, предстателей наших, чудотворцев российских, моления приемлющая. Радуйся, ходатайством Твоим о нас Бога умилостивляющая; Радуйся, честным покровом Твоим нас присно осеняющая. Радуйся, страны нашея преславная Защитнице; Радуйся, призывающим Тя скорая Помощнице. Радуйся, труждающихся благодатное укрепление; Радуйся, кающихся грешников несумненное спасение. Радуйся, Пречистая, от иконы Твоея милости нам источающая.

Кондак 10

Спасения ищуще, к Тебе прибегаем, Милосердная Мати, и, чудотворную Твою икону ныне обстояще, вся милости Твоя, тою отцем нашим явленныя, с любовию воспоминаем. Да не тщетна будет, Владычице, и наша надежда на Тя, на немощь нашу умилосердися и спаси вопиющия Богу: Аллилуиа.

Икос 10

Стена еси и заступление всем с верою прибегающим к Тебе, Всеблаженная Отроковице, всегда бо милости Твоя роду христианскому являла еси и отцем нашим многочастне и многообразне благодеяла еси, от нашествия иноплеменных и от всякия беды и нужды тех избавляющи. Не оскудей и ныне, Владычице, утоляющи лютыя на ны возстания греховныя и облак искушений отжени, Тебе бо навыкохом пети: Радуйся, Мати Божия, Матернюю любовь к нам, грешным, простирающая; Радуйся, силою Твоею нашу немощь восполняющая. Радуйся, милосердие Божие разумети нас научающая; Радуйся, к делом милосердия и нас возбуждающая. Радуйся, страх Божий в сердца верных влагающая; Радуйся, грешники к покаянию призывающая. Радуйся, невниманию нашему долготерпящая; радуйся, от сна лености нас возставляющая. Радуйся, Пречистая, от иконы Твоея милости нам источающая.

Кондак 11

Пение похвальное воспеша московскии людие, спасение Твое некогда улучивше: верху бо явльшися, светозарною одеждою одеяна, храм Твой и град Москву от запаления огненнаго ризою Твоею защитила еси. Неотступна пребуди, Всемощная, от места сего и ныне и нам избавление Твое видети даруй, да веселящеся воспоем: Аллилуиа.

Икос 11

Свет радости возсияла еси, Владычице, и во дни тыя, егда смотрением Божиим древняя красота церковная к нам паки возвратися и Священный Собор граду Москве Патриарха, всей же стране нашей единаго пастыря и молитвенника утверди. Ты же, Пречистая, от иконы Твоея Владимирския жребий первосвятительства сего избраннику Твоему даровала еси, да расточенныя овцы словеснаго стада Церкве Российския паки воедино соберет. Сего ради вопием Тебе: Радуйся, скорбящих радосте; Радуйся, обуреваемых Пристанище. Радуйся, в напастех нас не оставившая; Радуйся, во уничижении нашем свет надежды нам возсиявшая. Радуйся, на смиренныя призревшая; Радуйся, низшедшия возвеличившая. Радуйся, Церкве нашея Похвало: Радуйся людей Твоих веселие. Радуйся, Пречистая, от иконы Твоея милости нам источающая.

Кондак 12

Благодать Твою не отыми от нас, милости Источниче, якоже во дни лихолетия святителей наших Иова и Ермогена услышала еси и землю Русскую от конечного расхищения, православную же веру в ней от истребления спасла еси, да избавленнии Тобою Богу воспоем: Аллилуиа.

Икос 12

Поюще неисчетныя милости Твоя, от лет древних роду нашему явленныя и доныне не оскудевающия, хвалим Тя, Пречистая, яко неусыпную Хранительницу нашу и заступление, и Матернюю любовь Твою к стаду Сына Твоего ведуще, со дерзновением, аще и раби неключими есмы, вопием Тебе: Радуйся, Русь Православную возлюбившая; Радуйся, веру истинную в ней утвердившая. Радуйся, отцы наша во благочестии сохранившая; Радуйся, и наше неможение не отринувшая. Радуйся, Утверждение наше незыблемое; Радуйся, Надеждо наша непостыдная. Радуйся, Молитвеннице наша теплая; Радуйся, Заступнице усердная. Радуйся, Пречистая, от иконы Твоея милости нам источающая.

Кондак 13

О Всепетая Мати, Заступнице Всемилостивая, Дево Богородице, обычным Твоим милосердием малое моление сие наше приемлющи, якоже древле, тако и ныне помилуй землю нашу Русскую и от всяких бед рабы Твоя избави, о Тебе вопиющия: Аллилуиа.

(Этот кондак читается трижды, затем икос 1 и кондак 1.)

Храмы и соборы, в которых находилась Владимирская икона Божией Матери в разные годы

Владимирский собор в честь успения Пресвятой Богородицы

Владимирский собор в честь успения Пресвятой Богородицы изначально был кафедральным (главным) храмом Владимиро-Суздальской Руси и сохранял этот статус до возвышения Москвы. По указу князя Андрея собор получил десятину «в торгах и стадах», а также дань от нескольких сел и слобод. Изначально собор был украшен искуснейшими мастерами того времени:

«Того же лета создана бысть церква святая Богородица в Володимири благоверным и боголюбным князем Андреем, и украси ю дивно многоразличными иконами, и драгим каменьем бе-щисла и сосуды церковными и верх ея позлати по вере же его, и по тщанию его к святеи Богородице, приведе ему Бог из всех земель все мастеры и украси ю паче инех церквии».

(Из летописи)

Но от этой росписи сохранились только небольшие фрагменты. Позже, в начале XV века, храм заново расписали знаменитые иконописцы Андрей Рублев и Даниил Черный. Часть этой росписи можно увидеть в Успенском соборе и сейчас. Большая же часть украшений храма, которые сохранились и в наши дни, была выполнена в XIX в. Сейчас собор считается частью Владимиро-Суздальского музея-заповедника, однако в нем регулярно совершаются богослужения.

Успенский собор Московского Кремля

Привезенный в Москву для защиты города и всей земли Русской чудесный образ Владимирский был помещен в Успенском соборе Московского Кремля. Место на иконостасе для великой православной святыни было выбрано почетное – с правой стороны рядом с царскими вратами.

Здесь в Успенском —

В сердце стен кремлевских, —

Умилясь на нежный облик Твой,

Сколько глаз жестоких и суровых

Увлажнялись светлою слезой!

Простирались старцы и черницы,

Дымные сияли алтари,

Ниц лежали кроткие царицы,

Преклонялись хмурые цари.