Линиза Жалпанова - В церкви
Молитва при воспоминании о грехах
Господи, помилуй!
Молитва мытаря
Боже, милостив буди мне грешному.
Молитва Господу Иисусу
Господи Иисусе Христе, Сыне Божий, молитв ради Пречистыя Твоея Матери и всех святых, помилуй нас. Аминь.
Молитва к Святому Духу
Слава Тебе, Боже наш, слава Тебе. Царю небесный, Утешителю, Душе истины, иже везде сый и вся исполняяй, сокровище благих, и жизни подателю, прииди и вселися в ны, и очисти ны от всякия скверны, и спаси, блаже, души наша.
Три молитвы ко Святой Троице
1. Трисвятое: Святый Боже, святый Крепкий, Святый Безсмертный, помилуй нас (трижды).
2. Славословие: Слава Отцу, и Сыну, и Святому Духу, ныне и присно и во веки веков. Аминь.
3. Молитва: Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради. Господи помилуй (трижды).
Господня Молитва
Отче наш, Иже еси на небесех, Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь, и остави нам долги наша, яко же и мы оставляем должником нашим, и не введи нас во искушение, но избави нас от лукаваго. Яко Твое есть царство и сила, и слава во веки. Аминь.
Символ веры
Верую во единаго Бога Отца, Вседержителя, Творца небу и земли, видимым же всем и невидимым. И во единаго Господа Иисуса Христа, Сына Божия, Единороднаго, Иже от Отца рожденнаго прежде всех век; Света от Света, Бога истинна от Бога истинна, рожденна, несотворенна, единосущна Отцу, Имже вся быша. Нас ради человек и нашего ради спасения сшедшаго с небес и воплотившагося от Духа Свята и Марии Девы, и вочеловечшася. Распятаго же за ны при Понтийстем Пилате, и страдавша, и погребенна. И воскресшаго в третий день по Писанием. И возшедшаго на небеса, и седяща одесную Отца. И паки грядущаго со славою судити живым и мертвым, Егоже Царствию не будет конца. И в Духа Святаго, Господа животворящаго, Иже от Отца исходящаго, Иже со Отцем и Сыном спокланяема и славима, глаголавшаго пророки. Во едину Святую, Соборную и Апостольскую Церковь. Исповедую едино крещение во оставление грехов. Чаю воскресения мертвых, и жизни будущаго века. Аминь.
Молитвы к Богоматери
Богородице, Дево, радуйся, Благодатная Марие, Господь с Тобою, Благословенна Ты в женах и благословен плод чрева Твоего, яко Спаса родила еси душ наших.
Достойно есть яко воистину блажити Тя, Богородицу присноблаженную и пренепорочную и Матерь Бога нашего. Честнейшую херувим, и славнейшую без сравнения серафим, без истления Бога слова родшую, сущую Богородицу, Тя величаем.
Пресвятая Богородице, спаси нас!
Молитва Животворящему Кресту
Спаси, Господи, люди Твоя и благослови достояние Твое; победы православным христианом на спротивные даруя, и Тове сохраняя Крестом Твоим жительство.
Молитва ангелу-хранителю
Ангеле Божий, хранителю мой святый, на соблюдение мне от Бога с небесе данный! Прилежно молю тя: ты мя днесь просвети, и от всякаго зла сохрани, ко благому деянию настави и на путь спасения направи. Аминь.
Молитва о родственниках
Спаси, Господи, и помилуй (посем кратко принести молитву о здравии и спасении всего Царствующего Дома, священства, отца твоего духовного, твоих родителей, сродников, начальников, благодетелей, всех христиан.
Молитва святому угоднику Божиему, коего именем человек называется от рождения
Моли Бога о мне, святый угодниче Божий (имя) (или святая угоднице Божия (имя)), яко аз усердно к тебе прибегаю, скорому помощнику и молитвеннику о душе моей (или скорой помощнице и молитвеннице о душе моей).
Молитва о умерших
Помяни, Господи, души усопших раб твоих (имена их), и всех сродников моих, и всю усопшую братию мою, и прости их вся согрешения вольная и невольная, даруя им царствие небесное и причастие вечных твоих благих и твоея безконечныя и блаженныя жизни наслаждение, и сотвори им вечную память.
Вечерняя молитва
Господи, Боже наш, еже согреших во дни сем, словом, делом, и помышлением, яко благ и человеколюбец, прости ми; мирен сон и безмятежен даруй ми; ангела Твоего хранителя посли, покрывающа и соблюдающа мя от всякаго зла; яко Ты еси хранитель душам и телесем нашим, и Тебе славу возсылаем Отцу и Сыну и Святому Духу, ныне и присно, и вовеки веков, Аминь.
Молитва, читаемая утром после сна
К тебе, Владыко человеколюбче, от сна восстав, прибегаю, и на дела Твоя подвизаюся милосердием Твоим, и молюся Тебе: помози ми на всякое время во всякой вещи, и избави мя от всякия мирския злыя вещи и диавольскаго поспешения, и спаси мя, и введи в царство Твое вечное. Ты бо еси мой сотворитель, и всякому благу промысленник и податель, о Тебе же все упование мое, и Тебе славу возсылаю ныне и присно и во веки веков. Аминь.
Молитва перед едой
Очи всех на Тя, Господи, уповают, и Ты даеши им пишу во благовремении, отверзаеши Ты щедрую руку Твою, и исполняеши всяко животное благоволение.
Молитва после еды
Благодарим Тя, Христе Боже наш, яко насытил еси нас земных твоих благ: не лиши нас и небеснаго Твоего царствия.
Молитва перед учением
Преблагий Господи, ниспошли нам благодать Духа Твоего Святаго, дарствующаго и укрепляющаго душевныя наши силы, дабы, внимая преподаваемому нам учению, возрасли мы Тебе, нашему Создателю, во славу, родителем же нашим на утешение, Церкви и отечеству на пользу.
Молитва после учения
Благодарим Тебе, Создателю, яко сподобил еси нас благодати Твоея, во еже внимати учению. Благослови наших начальников, родителей и учителей, ведущих нас к познанию блага, и подаждь нам силу и крепость к продолжению учения сего.
Словарь
Ветхий Завет– христианское название первой части Библии.
В него входят древнееврейские тексты, называемые в христианстве и иудаизме Священным Писанием.
Деноминация – религиозная организация.
Евангелие – первые четыре книги Нового Завета, рассказывающие о земной жизни, смерти и воскресении Иисуса Христа. Каноническими признаны Евангелия от Матфея, Марка, Луки и Иоанна.
Закон Божий – 1) религиозное учение; 2) книга, в которой излагаются религиозные истины, нравственные правила христианства, а также сведения об истории церкви и о богослужениях.
Канон – 1) церковное постановление о вероучении, устройстве церкви и т. д., 2) книги Ветхого и Нового Завета; 3) церковное песнопение, исполняемое в честь праздника или какого-либо святого.
Новый Завет – вторая часть Библии, включающая четыре Евангелия, книгу Деяний апостолов, 7 соборных посланий (2 апостола Петра, 3 апостола Иоанна, апостолов Иакова и Иуды), 14 посланий святого апостола Павла и Откровение Иоанна Богослова.
Псалмы – религиозные песнопения, собранные в книге Псалтирь и входящие в Ветхий Завет. Используются на христианских богослужениях.
Фимиам – благовонное вещество, которое воскуряют во время богослужений.
Чин – 1) устав церковной службы; 2) порядок чтения молитв при богослужении.
