Александр Андреев - Князь Довмонт Псковский

Пастухова Э.И. По Смоленщине. М, 1985.

Ахитектурные памятники Смоленской области. М, 1987.

Город Рославль. Смоленск, 1987.

Попов В.Г. Город Тотьма. Вологда, 1886.

Подьяпольский С.С. По Сухоне и Северной Двине. М, 1968.

Бочаров Г.Н., Выголов В.П. Сольвычегодск. Великий Устюг. Тотьма. Арх-Вол, 1987.

Степановский И.К. Вологодская старина. Вологда, 1890.

Непеин С. Вологда прежде и теперь. 1147–1906. Вологда, 1906.

Лукомский Г.К. Вологда в ее старине. СПБ, 1914, Вологда, 1991.

Фехнер М.В. Вологда. М, 1958.

Осьминский Г.И. и др. Очерки по истории края. Вологда, 1960.

Непеин А.С. Святыни и достопримечательности города Великого Устюга. Вол, 1915.

Дунаев Б. Город Устюг Великий. М, 1919.

Шильниковская В.П. Великий Устюг. М, 1987.

Колесников П.А. Устюжна. Архангельск, 1979.

Край наш Вологодский. Архангельск, 1982.

Ушаков И.Ф., Лощинский С.Н. Кола. Мурманск, 1983.

Докучаев-Басков Ф.К. Каргополь. Архангельск, 1913.

Пятунин П. Каргопольщина. Каргополь, 1924.

Гемп К.П. Каргополь. Архангельск, 1968.

Алферова Т.В. Каргополь и Каргополье. М, 1973.

Гунн Г.П. Каргополье-Онега. М, 1983.

Колыбин А.К. Холмогоры. Архангельск, 1930.

Гнедовский Б.В. и др. Вокруг Архангельска. М, 1978.

Приложения

Приложение 1. Псковские 1-я, 2-я и 3-я летописи о XIII веке

(Составлены в Пскове в середине XV века)

В лето 6710 (1202). Знамение явися на небеси: яко небо кроваво.

В лето 6713 (1205). Сие пакы ино знамение велико явися на небеси: три солнца.

В лето 6722 (1214). В недилю сырную бысть гром на небеси.

В лето 6724 (1216). Бысть в Новегороде голод зол вельми.

В лето 6732 (1224). Бишася суздальцы с Татары на Калках, и избиша татарове суздальцев месяца маия 31 день. Того же лета великий глад был.

В лето 6736 (1228). Приидоша полки к Ярославу из Переяславля в Новгород, хотяше итти на Риху. Псковичи же то сведавши, послаша к Ярославу, глаголюще: тебе, княже, кланяемся, не ходи к еам, мы с рижаны мир взяли, а на путь с вами не идем; ходили есте к Колываню и сребро взясте, а правды не учинисте, тако же и в Кеси, а сами отоидосте в Новгород, только раздраживше и за то нашу братью немцы избиша, а иных в полон свели; аще тако здумали есте, то и мы противу вас со святою Богородицею. То слышавше новгородцы и реша князю: мы без своеи братьи пскович не идем же; бе бо пскович подвели немцы, чюдь и латыгору и лить. И отпусти Ярослав полки восвояси; а кои и были люди во Пскове Ярославли, тех псковичи выгнаша изо Пскова.

В лето 6738 (1230). Индикта 3 месяца майа в 14 день, бысть знамение в солнцы, в 3 час дни. Того же лета побил мраз жита всюду, и бысть глад зол по всеи земли, яко же не бывало николи же тако: мряхуть бо людие по улицам, и некому бяше хоронити их, но ядяхуть и пси, яко скот мертвый. И живии мужи или жены прихожаху к гробом, плачуше со слезами горькими и глаголюше: лучше вам, преже всего часа горкого изомроша, а нам люте, видеше сию тучу и печаль. Ядяхуть бо тогда людие конину во святые посты. И иное зло писал бых, но горе и тако.

В лето 6741 (1233). Изгониша Избореск Борисова чадь с князем Ярославом Владимировичем и с немцы, псковичи же, оступивше Избореск, изымаша князя, а немчина Данила убиша, а инии побегоша.

В лето 6742 (1234). Иде Ярослав с новгородцы и с полки своими на Немцы, под Юрьев и сташа, не дошед города, и пусти вои воевати в зажитье. Немцы же из городов высунушася, а инии из Медвежьей головы на сторожеи, и бишася с ними до полку. И князь Ярослав с новгородцы поступивше бишася до реце до Омовже, и немцы обломишася, истопоша их много, а инии уязвении убегоша в Юрьев, а инии в Медвежью голову; а опустошиша около Юрьева обили. И поклонишася немцы князю и, смирившеся, отоидоша.

В лето 6746 (1238). Прииде царь Батый ратию и силою татарской на землю Русскую, и плениша грады многи, и идоша и до Игнаца хреста, и ту возвратишася.

В лето 6747 (1239). Избиша Литва на Камне пскович засадою, месяца сентября в 25 день.

В лето 6748 (1240). Приидоша немцы Швеянь в реку Неву, и победи их князь Александр с мужи новгородцы, месяца майа в 15 день.

В лето 6748 (1240). Избиша немцы пскович под Изборском 600 муж, месяца сентября в 16 день. И по сем пришедше немцы и взяша град Псков, и седоша немцы в Пскове 2 лета.

Взяша немцы, медвежане и вельянцы, юрьевцы с князем Ярославом Володимировичем Избореск, и выидоша псковичи и бишася с ними, и побиша я немцы, а иных руками яша, и пришед под Псков, посад пожгоша и сташа под городом неделю, и отидоша, поимав дети у добрых людей в таль. Бяху бо перевет держали с немцы плесковичи: подвел Твердила Иванкович с инемы, а сам нача владети Псковом с немцы, воюа села новгородцкая, а инии плесковичи виидоша в Новгород с женами и детми.

В лето 6749 (1241). Взя князь Александр городок Копорию, а немцев изби. А на другое лето ходил князь Александр с мужи новгородцы, и бишася на леду с немцами.

В лето 6750 (1242). Пришед князь Александр и изби немец во граде Пскове, и град Псков избави от безбожных немец, помощию святыя Троица. И бишася с ними на леду, и пособи Бог князю Александру и мужем новгородцам и псковичам, овы изби и овы связав босы поведе по леду. Сии бои бысть месяца апреля в 1 день; и бысть во граде Пскове радость велия. И рече князь Александр: «О муже псковичи, се же вам глаголю: аще кто и напослед моих пленник или прибежит кто в печали или тако приидет жити во град Псков, а вы его не приимете и не почтете его, и наречетеся вторая жидова».

В лето 6755 (1247). Избиша Литва пскович на Кудепи, месяца июля в 3 день.

В лето 6772 (1262). Ходиша Ярослав Ярославич и Дмитрий Александрович и Товтивил Полочский, новгородцы и псковичи и полочаны под Юрьев, единым приступом три стены взяша, а немцы избиша, а самы здоровы придоша.

В лето 6773 (1265). Взя Воишегл землю Литовскую, а Домонт прибеже в Псков и крестися.

В лето 6774 (1266). Ходил князь Домонт с мужи псковичи, и плени землю литовскую, и погону побиша.

В лето 6776 (1268). Князь Дмитреи и Ярослав с полки новгородскими идоша к Раковору и бысть побоище силно, месяца февраля в 18 день, в суботу.

Князь Домонт с мужи своими псковичи иде к Раковору, и бишася с немцы и одолеша. Тою же лета, месяца априля 23, князь Домонт изби немец 8 сот на реце на Мироповне. И по том пакы, того же лета, князь местер, совокупи воя многы и прииде ко Пскову; и князь Довмонт победи я, и тако побегоша посрамлени, месяца июня 18, на память святого мученика Феодора Стратилата.

В лето 6792 (1284). Бысть знамение в луне, месяца декабря 24, в день недельный. И по двою недель месяца января во 12 день, избиша немцы пскович на дани, у Волысту, 40 муж; якоже древле и хронографы глаголют, яко знамение несть на добро, но на зло присно является.

В лето 6801 (1293). Князь великии Дмитрии Александрович прибеже в Псков, и прияша и честно.

В лето 6807 (1299). Бысть знамение в луне, месяца сентября во 8 день. Тое же зимы изгониша немцы ратию посад у Пскова, месяца марта в 4 день, избиша черньцов и черниц и убогия и жены и малые дети, а мужи Бог ублюде. И на утрии же день приступиша ко граду, хотяше град Псков пленити, а князя Довмонта руками няти. Домонт же князь выехав со Иваном Дорогомиловичем и с мужи псковичи, и помощию святые Троицы воополчившеся и ударишася на безбожных немец и победиша я у святого Петра и Павла на брезе; овы избиша, а иныя поимаша живы, а прочии вскоре устремишася на брег. Тогда же мор бяше на людех. Тогда же и Благоверный князь Домонт преставися, месяца маиа 20 день; и плакахуся его много псковичи, и положиша его в дому святыя Троицы.